Autoestima e movemento: a conexión que ninguén che ensinou
A relación entre o corpo e a autoestima adoita contarse dun único xeito: cando te sentes ben contigo, moves o corpo. Cando non te sentes ben, non.
Pero esa historia ten outra dirección. E esa dirección é a que máis nos interesa en Fluiria.
Como o movemento inflúe na autoestima
Como te moves —non o que moves, senón como— inflúe directamente na forma en que te percibes. Estudos en psicología corporal mostran que a postura, o ritmo e a conciencia corporal teñen efectos medibles na autoestima e no estado emocional.
A Organización Mundial da Saúde documenta a relación entre actividade física regular e benestar psicolóxico. Pero hai algo máis sutil que os datos: cando aprendes a facer algo co teu corpo que non sabías que podías facer, a relación con ese corpo cambia.
Non porque cambie como se ve. Senón porque cambia o que sabes que é capaz de facer.
O que pasa nunha clase cando o ambiente é seguro
Nunha clase de danza, yoga ou pilates nun ambiente sen xuízos nin comparacións, pasan cousas que raramente pasan noutros contextos de movemento.
Descubres que o teu corpo pode cousas que non imaxinabas. Aprendes a escoitalo en lugar de esixirlle. Empezas a relacionarte con el dende a curiosidade en lugar de dende a crítica.
Ese cambio de relación é lento. Pero é real. E é sostible, porque non depende de ningún resultado externo.
O noso enfoque en Fluiria
En Fluiria non traballamos para cambiar cómo te ves. Traballamos para que cambies cmoo te habitas. Esa é a diferenza entre un espazo de movemento centrado no resultado e un espazo centrado no proceso.
Podes coñecer todas as nosas actividades en fluiria.com/servicios, ver o noso espazo en esta páxina e saber quen está detrás de Fluiria en fluiria.com/profesional-pilates-yoga-y-danza.
Estamos en Rúa das Pesqueiras n6, Bertamiráns, Ames. Escríbenos a fluiria@gmail.com ou chámanos ao 626 979 828.
